નામમાં શું રાખ્યું છે?
તારક મહેતાકા ઉલ્ટા ચશ્મામાં એક સીન છે, જેમાં જેઠાલાલ કહે છે, કે નુતને કીધું છે ને કે, "નામમાં શું રાખ્યું છે" તો બધા પુછે છે કે, આ "નુતન" કોણ? નુતન, વૈજ્ઞાનિક. પછી બધાને ખ્યાલ આવે છે, કે આતો ન્યૂટનની વાત કરે છે! ત્યાં પાછો પ્રશ્ન ઉભો થાય છે, કે "નામમાં શું રાખ્યું છે" એ વાક્ય ન્યૂટને થોડું કીધું હતું? એ તો શેક્સપીયર એ કીધું હતું. વાત સાચી છે, કે આ વાક્ય શેક્સપીયર એ કીધું હતું પણ જેઠાલાલનો જવાબ પણ રસપ્રદ છે, એ કહે છે - એ જ નામમાં શું રાખ્યું છે ન્યૂટન કે શેક્સપીયર!
"નામમાં શું રાખ્યું છે" આ વાત આટલા વર્ષો પેલા ઉચ્ચારણ પામી. તો પણ, આ નામની માયાજાળ ગઈ નથી. કોમ્પ્યુટર વિજ્ઞાનમાં એક અવતરણ(=quote) છે,
There are only two hard things in Computer Science: cache invalidation and naming things.
Phil Karlton
મતલબ કે, કમ્પ્યુટર સાયન્સમાં ફક્ત બે જ મુશ્કેલ બાબતો છે: કેશ ઇનવેલિડેશન અને નામકરણ.
એટલે ભલે "નામમાં શું રાખ્યું છે" એવું કહેવાય છે પણ કોમ્પ્યુટર વિજ્ઞાનવાળા પૂછો તો ખબર પડે કે, કેટલું અઘરું છે એ! બાકી તો ભાષાના નામ ખાલી "C" કે "D" કે "F" કોણ રાખે?! કોણ ભાષાનું નામ ઓક(=Oak) રાખે કે, મારી બારીની બહાર ઓકનું ઝાડ છે, એટલે મેં ભાષાનું નામ Oak રાખ્યું (જે પછી થી બદલાયને Java થયું).