જો તમે વેબ ડેવલપમેન્ટ(=web development) વિષે જાણતાં હોય (કે પછી ના જાણતાં હોય), તો એમાં વેબ ડેવલપમેન્ટ સરળ અને ઝડપી કરવા માટે લાઇબ્રરી(=library) અથવા તો ફ્રેમવર્ક(=framework)નો ઉપયોગ થાય છે. આમતો બંનેનું કામ એક જ છે, પણ લાઇબ્રરી અને ફ્રેમવર્કમાં કેટલોક તફાવત છે. આ તફાવતોમાં મુખ્ય તફાવત છે - હોલીવુડ સિદ્ધાંત(=Hollywood principle).
જો તમે લાયબ્રેરી વાપરતાં હોય તો તમારી જવાબદારી આવે જેનો પણ ઉપયોગ કરતાં હોય એ ફંકશનને કોલ કરવાની. જયારે ફ્રેમવર્કમાં એ જે પ્રમાણે કહે એ રીતે આપણે ફંકશન લખવાનાં અને પછી ઈ જાતેજ કોલ કરી લેશે. તો આ થયો હોલીવુડ સિદ્ધાંત.
થોડું વિસ્તારથી સમજીએ.
હોલીવુડના કોઈ ચલચિત્રમાં તમારે કામ કરવું હોય તો તમારે એના માટે, અભિનયની કસોટી(=audition) આપવી પડે. કસોટી આપ્યા બાદ, દિગ્દર્શક(=director) કહેશે કે, જે પણ જવાબ હશે એ ફોન કરીને કહીશું, પણ તમે ફોન ના કરતાં, જો હા હશે તો આમે જ સામેથી ફોન કરીશું. તો આ થયો હોલીવુડ સિદ્ધાંત - તમે ના પૂછતાં હું તમને જાતે જ જણાવી દઈશ જો હા હશે તો.
થોડાં સમય પહેલાં, મારી એક વસ્તુ ખરીદવી હતી. તો મેં ભાવ માટે પૂછપરછ કરાવી. ભાવ થોડા વધુ લાગ્યા એટલે મેં મને પોસાતાં ભાવ કીધા. ત્યારે એને મને આ વાત કહી, તમારો ભાવ મને મળી ગયો છે, હું વિચારીને જવાબ આપીશ. પણ તમે ફોન ના કરતા, હું તમને જાતેજ ફોન કરીશ જો આ ભાવમાં મને પોષશે તો. અને મને હોલીવુડ સિદ્ધાંત/પ્રિન્સીપાલ યાદ આવ્યો.
No comments:
Post a Comment