શોખ
તમને કોઈ વિષયનો શોખ છે. તમારો એ મનગમતો વિષય હોય એમાં તમે આનંદથી સમય પસાર કરો છો. ક્યારેક કંટાળો આવે ત્યારે એ તમારો શોખ કંટાળો દૂર કરે છે. ક્યારેક થાક લાગે છે ત્યારે એ તમારો શોખ થાક દૂર કરે છે. ક્યારેક તમે હતાશ થાવ ત્યારે એ તમારો શોખ હતાશા દૂર કરે છે. ક્યારેક તમારે તમારું મગજ એક જગ્યાએ થી બીજી જગ્યાએ વાળવું હોય / divert કરવું હોય ત્યારે એ એ તમારો શોખ તમને તાજગી આપે છે. પણ...
તમને એવો વિચાર આવ્યો અથવા કોઈકે તમારા મગજમાં એવો વિચાર રોપ્યો કે, આ શોખથી પૈસા કમાવી શકાય તો? અને તમે ગણતરી મંડી. થયું પછી!
તમારો શોખ હવે ખાલી આનંદ માટે નથી, પણ પૈસાની ગણતરી લાગી છે એના ઉપર. અને હવે તમારો શોખ તમને કંટાળો આપે છે. કારણ કે એ શોખને તમારે આવકના સાધન તરીકે પ્રસ્તુત કરવાનો છે. એ શોખથી તમને થાક લાગે છે. કારણ કે, તમારે સતત પ્રયત્નશીલ રહેવાનું છે, આવક ઉભી કરવા. એ શોખ તમને હતાશા તરફ લઇ જાય છે, કારણ કે, એમાંથી જરૂરી આવક ઉભી થતી નથી. તમે હવે તમારા વિચારો બીજી તરફ વાળી શકતા નથી. કારણ કે, તમારો શોખ જ તમારો મુખ્ય વિચાર થઇ ગયો છે. ક્યાં જશો હવે?
જરૂરથી આમાં અપવાદ હોય શકે છે, અને અપવાદો ઘણા છે. ભારત સરકાર તરફથી મળેલા પુરસ્કારોની યાદી તપાસશો તો તમને જરૂરથી ઘણા લોકો મળશે જેમનાં શોખ અને વ્યવસાય(જો એ લોકો પણ એ રીતે જોતા હોય તો!) એક જ હશે. પણ આવા વિરલા કેટલા? આ "રાસાયણિક" મિશ્રણ જોખમી નીવડી શકે છે, કૃપા કરીને જોઈતી તકેદારી લો.